Urriðaveiði í Laxá í Aðaldal

Skipuleg urriðaveiði í Laxá í Aðaldal

Myndir/joney4.jpg

Vænum urriða sleppt

Í boði er vorveiði í Laxá í Aðaldal. Veitt er á svæðum Laxárfélagsins, auk Núpa, Hólmavaðs og Ytra-Fjalls og er veitt á 12 stangir vorið 2010. Tímabilið á svæðum Laxárfélagsins hefst 1. júní og lýkur 19. júní en á Hólmavaði og Ytra-Fjalli hefst veiði formlega eftir Hvítasunnuhelgina og lýkur einnig 16. júní.

Boðið er uppá þriggja daga holl. Veiðisvæðin eru:

Laxamýri og Núpar
Jarlsstaðir/Hjarðarhagi
Hagabæir og neðsti hluti Hrauns
Hólmavað og Ytra-Fjall

Veiðileyfið kostar 15.000 kr. pr. stöng á dag með gistingu í Þinghúsinu við Hraunbæ, fram til 16. júní. Eftir þann tíma þarf að semja sérstaklega um gistingu, eða að veiðimenn útvegi sér hana sjálfir.

Daglegur veiðitími er 08:00 - 14:00 og 16:00 - 22:00. Hægt er að semja um annan veiðitíma en hann skal þó aldrei vera lengri en 12 klst. á dag. Allir leyfishafar þurfa að samþykkja breytingar og þá ber mönnum skylda til að tilkynna veiðieftirlitsmanni um þær. Ekki má hefja veiðar fyrir kl. 7 að morgni og veiðum skal vera lokið kl 02:00 eftir miðnætti. Þá er skilyrðislaust bannað að aka um bæjarhlað bænda eftir kl. 22 á kvöldin.

Einungis er leyfilegt að veiða á flugu og fyrir þá sem þekkja veiðar ofan virkjunar, þá er um að ræða sömu og svipaðar flugur og aðferðir. Straumflugur og púpur en víða eru stórir flóar og lygnur sem beinlínis er frábært að veiða á þurrflugu.

Veiði skal stillt í hóf og einungis er leyfilegt að drepa 6 urriða á dag. Ekki má flytja kvóta milli daga. Þá skal öllum laxi skilyrðislaust sleppt.

Talsvert getur verið um niðurgöngulax á vorin og þess vegna var sú ákvörðun tekin að friða svæðið í kringum Eskeyjarflúð, Dýjaveitur og Haga/Hólmavaðsstíflu. Þá eru veiðimenn vinsamlegast beðnir að fara með mikilli gát á Breiðeyri en þar er vitað að niðurgöngulax safnast saman.

Síðastliðið vor veiddust á svæðunum talsvert á 4 hundrað urriðar en 315 voru færðir til bókar og vitað er að ekki var allt skráð. Ef tekið er tillit til nýtingar á svæðinu þá var meðalveiði á stöng pr. dag 2,3 fiskar en veitt var frá 20.05 - 19.06. Stærðin á urriðanum var frá 35 cm og stærsti urriðinn sem var bókaður mældist 67 cm langur. Mest veiddist þó af urriða á bilinu 40 - 45 cm.

Straumflugur gáfu líka best, Rektor, Black ghost og Svartur nobbler, í þessari röð og notuðu menn mest línur með sökktoppi. Einnig veiddist ágætlega á kúlupúpur s.s. Krók og Drjúg. Þegar leið á vorið og lofthiti varð meiri, léttu menn veiðarfærin og notuðu meira flotlínur og stundum þurrflugur.

Hér til hliðar má sjá hvað er laust af veiðileyfum á svæðinu.

Allar nánari upplýsingar veittar í tölvupósti adaldalur@gmail.com

Holl og fjöldi óseldra stanga

18. maí - 24. maí, þriðjudagur - mánudags

Uppselt

25. maí - 27. maí, þriðjudagur - fimmtudags

Uppselt

27. maí - 29. maí, fimmtudagur - laugardags

2 stangir

29. maí - 1. júní, laugardagur - þriðjudags

Uppselt

1. júní - 4. júní, þriðjudagur - föstudags

Uppselt

4. júní - 7. júní, föstudagur - mánudags

Uppselt

7. júní - 10. júní, mánudagur - fimmtudags

8 stangir

10. júní - 13. júní, fimmtudagur - sunnudags

Uppselt

13. júní - 16. júní, sunnudagur - miðvikudags

4 stangir

16. júní - 19. júní, miðvikudagur - laugardags

5 stangir

Veiðisvæðin

Athugið að ekki er endanlega búið að skipta stöngum niður á svæði en það sem hér fer á eftir er sett fram til þess að veiðimenn geti betur áttað sig á stærð svæðisins og umfangi þess.

Hólmavað og Ytra-Fjall
3 stangir á vesturbakka árinnar frá girðingu á móts við Hrúthólma við landamerki Hólmavaðs og Ness, upp að girðingu við ofanverðan Laxhólma við landamerki Ytra-Fjalls og Syðra-Fjalls. Ekið er niður með bænum að Hólmavaði til að fara á neðstu veiðistaðina. Til að komast á veiðistaði um miðbik svæðisins er ekið út af aðalveginum skömmu áður en komið er að brúnni yfir Laxá og á efsta hlutann er hægt að aka með því að fara útaf þjóðveginum til vinstri, skömmu eftir að ekið er framhjá bæjarmerkinu að Ytra-Fjalli. Veiðisvæðið er um 3 km. langt. Ekki er leyft að veiða við frá merki við Hólmavaðsstíflu, upp að merki við Vaðhólma vegna hættu á niðurgöngulaxi.
Hagabæir og Hraun
Þrjár stangir á austurbakka árinnar, frá neðra (nyrðra) horni Engeyjar (Ath. Ekki má veiða úr Engeynni sjálfri) norður að merki við Daufhyl við landamerki Hagabæja og Ness, alls um 5,5 km. Landamerki Haga og Hrauns eru við girðingu skammt sunnan Langeyjar.
Hægt er að aka niður að ánni við bæinn Hraun. Þá er ekið yfir hlaðið að Hrauni og farnir troðningar, niður að hólma sem heitir Torfi. Hægt er að aka niður árbakkann að Langey. Þá er hægt að aka út af þjóðveginum við Haga I og Haga II og ekinn slóði niður að ánni við Hagastíflu. Veiðar frá Hagastíflu, upp að skilti eru ekki leyfðar sökum hættu á niðurgöngulaxi.

Jarlsstaðir/Hjarðarhagi
Ein stöng á vesturbakka árinnar. Bæjarmerkin eru við þjóðveginn og þar er ekið niður að ánni. Slóðin skiptist á miðri leið á efri og neðri hluta svæðisins. Efri mörk eru girðing við Dýjaveitur en neðri mörk við skilti, ofan Tjarnarhólma. Veiða má úr Höskuldarvíkurhólma en ekki úr Straumeyjum en þær tilheyra Nesveiðum. Veiðisvæðið er um 2 km. langt. Ekki er leyft að veiða Dýjaveitur, frá girðingu, niður að broti, vegna hættu á niðurgöngulaxi.
Laxamýri og Núpar
Sex stangir og veitt beggja vegna árinnar. Að vestan eru neðri mörk við skilti við Spegilflúð og efri mörk við hestagirðingu, ofan Núpafossbrúnar, alls um 4,5 km svæði.
Að austan eru neðri mörk við skilti rétt ofan við Uxaklöpp og efri mörk við höfðann, ofan Höfðabreiðu, alls um 5 km.
Að austan er ekið niður að Núpum og Kili og gengið norður bakkana. Að vestan hægt að aka gamla veginn norður eftir og það liggja slóðar að ánni á móts við bæina Kjöl og Núpa. Hægt er að aka að veiðistöðum á neðra svæðinu, frá brúnni yfir þjóðveginn, til hægri, upp með vesturbakkanum.
Talsvert er um niðurgöngulax á þessu svæði og því er brugðið á það ráð að loka veiðum við Eskeyjarflúð.